Chah siat u kyrtong President ka Columbia heipor wa yalap Election

U kyrtong President ka ri Columbia, u Miguel Uribe da chah siat u ynne ha nongbah Bogota, Columbia hakhap paidbah heiwa da kem leh ya u bru wa siat ya oo. Katkam ki Video wa da poor da yoo yei em uwi uwa yieñ hadien uwa sai da ka Pistol wei sait u ya oo na khlieh.

Neiliang u Mayor ka Bogota, u Carlos Galan da ong u wa u Miguel Uribe da chah sumaar u hadien wa chah siat u ha Fontibon District heiwa da kyntu ya waroh ki Hospital wow man kiwa pynkhreh lada hap kit ya u Miguel chawi.

U Carlos da pyntikna u leh wa da kem ya uwi u bru wa siat ya oo.

U Miguel toh uwa 39 snem uwa man kam u Senator wei da chah siat u heipor wa yalap Election u neibynta ka chuki President ha u 2026.

Related posts

Leh Live Streaming uwi deiwa maham wow noh najrong yung chwa wow chah kem

June 8, 2025

Da ka Jaiñtia Joint Alliance sdang ki ar seiñ yow yakrehlang yei bha ka imlang sahlang

June 8, 2025

Chooh chooh u Miguel toh u dkhot ka Democratic Center Party wa sdang da u President warim ka Colombia, u Alvaro Uribe.

Neiliang ka sokar Colombia leh da beiñ ko ya ini iwa jia wei da tyrwa ko $730,000 ya kiwon kiwon kiwa tip bniah hajrong iwa jia.

U President ka Columbia, u Gustavo Petro hawa klam ya ka ri da ong u wa u Miquel dang im u wei u pyrchang katwa ye u pynim ya oo.

Chooh chooh da pyntip u wa u bru wa siat ya u Miquel toh uwa dang khian rat wei da kem ya oo.

U Secretay ka USA, u Marco Rubio da ong u wa ka USA beiñ joor ko ya iwa jia ya u Miguel wei ini iwa jia ktah i yei synchaar paidbah ha katai ka ri.