Chah siat u kyrtong President ka Columbia heipor wa yalap Election

U kyrtong President ka ri Columbia, u Miguel Uribe da chah siat u ynne ha nongbah Bogota, Columbia hakhap paidbah heiwa da kem leh ya u bru wa siat ya oo. Katkam ki Video wa da poor da yoo yei em uwi uwa yieñ hadien uwa sai da ka Pistol wei sait u ya oo na khlieh.

Neiliang u Mayor ka Bogota, u Carlos Galan da ong u wa u Miguel Uribe da chah sumaar u hadien wa chah siat u ha Fontibon District heiwa da kyntu ya waroh ki Hospital wow man kiwa pynkhreh lada hap kit ya u Miguel chawi.

U Carlos da pyntikna u leh wa da kem ya uwi u bru wa siat ya oo.

U Miguel toh uwa 39 snem uwa man kam u Senator wei da chah siat u heipor wa yalap Election u neibynta ka chuki President ha u 2026.

Chooh chooh u Miguel toh u dkhot ka Democratic Center Party wa sdang da u President warim ka Colombia, u Alvaro Uribe.

Neiliang ka sokar Colombia leh da beiñ ko ya ini iwa jia wei da tyrwa ko $730,000 ya kiwon kiwon kiwa tip bniah hajrong iwa jia.

Related posts

Psiah NPP ki dkhot ka UDP na Umroi, sah sa du u Secretary

May 30, 2026

Da wai ya ka Integrated Multipurpose Indoor Hall ha Shillong kawa da chna hei lut wa ₹132.9 klur

May 30, 2026

U President ka Columbia, u Gustavo Petro hawa klam ya ka ri da ong u wa u Miquel dang im u wei u pyrchang katwa ye u pynim ya oo.

Chooh chooh da pyntip u wa u bru wa siat ya u Miquel toh uwa dang khian rat wei da kem ya oo.

U Secretay ka USA, u Marco Rubio da ong u wa ka USA beiñ joor ko ya iwa jia ya u Miguel wei ini iwa jia ktah i yei synchaar paidbah ha katai ka ri.