Chem ka JNC wa em ki thaw chet ki dukan wa leh tngit ha Khliehriat

Ka Jaiñtia National Council (JNC) Khliehriat Circle ha ka 7 tarik kam chibynta u kynmoo burom ya ka World Food Safety Day 2025, da chim ko ya ka laad wow lai khynreh ya ki dukan, ki Hotel kamjooh leh ya ki Resturant kiwa haap hapoh u pood u ang yong ka chnong Khliehriat deiwa lai pait lai sylli yei rukom krehkaam yong ki khamtam hawa yatoh wa i khooid i suba ka baam ka dih neibynta ki paidbah.

Yeini i lai kynreh da leh hapoh i yahkhmat u Symboh Baiar Sumer, General Secretary ka JNC Khliehriat Circle wei da chem da yoo dei khmat yeiwa leh jakhlia wa i leh tngit ha ki kattu katni ki dukan wa ki Hotel ha Khliehriat iwa daw wanrah yei eh wa khroo yei chait i khiah ki paidbah.

Ka seiñ da booh ko leh dei maham ya kini ki dukan wa toh u leh khooid ki yei baam i dih hachwa wow e kti cha ki paidbah wow baam khamtam ya ki khynnah skur kiwa jooh psiah jooh mih neipor cheipor ha ki dukan ki yong ki.

Ka seiñ da ong ko leh wa i baam man i iwa pynim ya u bru wei kani ka sngi man ko leh kam chibynta wow lait na chiboon ki jait kjut wa har rukom kiwa ye u ktah yei mynsien bru, neibhah i chait i nang toh ka spah bah.

Related posts

Ha Nagaland yoh ki wow tih mooyong da ka Rat-Hole Mining iwa pynyoo wa ka sorkar Meghalaya ym em leh ko iyi iyi: KSU-EJHDU

June 21, 2026

Pynsñiaw u Conrad ha u Rajnath yei emkaam u sarok hapyrdi ka Ranikor wa Ratacherra

June 21, 2026

Ka seiñ da booh ko leh yei kyrpaad ya ka yung krekaam ka Food Safety Officer wow lai pait sylli bha ko ya kini ki dukan man-i-por khnang wa kini ki dukan leh ym yoh ki u kheiñ stiñ yei kaam hawa yatoh wa i baam i dih.

Ka seiñ da maham ko wa lada kini ki dukan ym ye ki u leh yeiwa emkaam deiwa leh khooid khamtam ha ki thaw chet baam ka yong ki, ka seiñ da ym hun ko u chong klikti wei daw leh ko deiwa eh ya ki.