Hadien i yatyrrah kari iwa da jia ha Ri-bhoi District ha i step ka 4 tarik uni u bnai, neiliang u Chief Minister ka Assam, u Himanta Biswa Sarma da kyrpaad u ya u Chief Minister ka Meghalaya u Conrad Sangma wow pynman ya i takit wa khooid da ka Nongpoh Police Station.
Kawi ka kari Hyundai Alcazar wa em ya u Number AS-01EV-9578 da tyrrah ko ya kawi ka Truck ha Shangbangla heipor kamwa 4:45 i step ka 4 tarik heiwa ka Namrata Bora (26 snem) kawa na Bachapathar, Kamargaon da yap noh ko.
Soo ngut kiwi kiwa chong hapoh ka kari da takha ki malum malæ wei da Register ya ka Case ha Nongpoh Police Station.
Neiliang u Himanta da ong u wa nei sñiawkhia kiwa ha-yung ka Namrata da kyntu u wow takit yeini i tyrrah kari da u pulit wa heh kyrdan khnang wow chem yeiwa sakhiat.
Ya ki lok ka Namrata, u Mriganka Boruah, ka Pragya, ka Gayatri Bora wa u Anayatul Wadud da yah cha Nongpoh Police Station heiwa da chim ya ki kyntien yong ki.
Hajrong ini i kyrpaad u Himanta, neiliang u Conrad leh da ong u wa da phah ya ki pulit wow pyntikna yeini takit wa khooid.
U Anayatul uwa yah ya kani ka kari toh u khon u MLA ka AIUDF na Bilashipara wei kani ka kari toh kawa da chah ktah joor bha neiliang tidiang donhi.
Da pyntip ki wa da mih ki na Guwahati yow lai cha Nongpoh hadien wa kut ka IPL.
Hadien wa jia ini da poor leh i Video wa pynyoo wa leh muja wei ya tem sur bha hapoh kani ka kari wa pynemkaam ki heiwa ka Namrata toh kawa chong hadien.
Discussion about this post