Hadien wa wan pyndem ka Sonam Raghuvanshi kawa man ka kurim u Raja Raghuvanshi ha ki pulit, da mih i pyrtuid u Raj Khushwaha kam u bru wa sooh buit wow pynyap ya u Raja heiwa da man u kam uwi na ki le ngut wa da chah kem.
U Raj Khushwaha toh uwa kreh kam u Accountant ka Sonam wa u payu ko kiwa em ya kawi ka khih Business wei da chem ki pulit wa uni toh uwa thied ya ki Ticket lieñsuiñ wow lai tangwa ym em thied Ticket wow liwan.
Neiliang ka bei u Raja ynne da pyntip ko wa da chah pynbor u wow lai cha Meghalaya da ka Sonam ka wym em pyntip chwa wow leh ko yeini.
Katkam wa chem ki pulit deiwa takit ya kiwa da yoh u kem najrong u Raj, da em uwi uwa tip kam u Anand wa u Vicky heiwa u Anand toh uwa sdang wow dat ya u Raja. Kam wow pynkynmoo wa ki pulit dang thooh ki sa uwi uwa emkti ha ini i kaam. Kamtkam wa sñiawthooh kattæ, kiwa da su da ka poisa wow pynyap ya u Raja da em ki le ngut kiwa da wan cha Sohra katwa u Raj won ym em wan u. Wei ini leh da sariem i yeiwa em kiwa sakhi wa yoo ki ya u Raja wa em u wa le ngut ki chynrang katwa ka Sonam bood ko nadien.
Na ka Call Details Record ka Sonam da chem leh wa khlan bha ko wow yaklam wa u Raj iwa da pynskem chooh chooh yeiwa emkti ko heini i kaam.
U Raj Kushwaha man u leh uwa na Madhya Pradesh hi wei ka takit dang lai ko chakhmat yow tip yei daw wa leh yeini waroh.
U payu u Raja da ong u wa ym jooh em sñiaw u ya u Raj tangwa da ong hi-eh u wa nyngkong kam ki chi kurim wa dang dep bia, i thmu ki toh wow lai cha ka Maa Kamakhya Temple donhi wa em ha Assam tangwa hadien won da ong ki wa daw lai ki cha Shillong wei oo leh da pyntikna u wym em thied Ticket ki yow liwan.
U pa ka Sonam da ong u wa em hi uwi u bru uwa kreh ki wa pyrtuid kam u Raj tangwa ym tip u ya utæ u Raj Kushwaha.
Discussion about this post