Ym ngait u pa ka Sonam wa emkti ko wow pynyap ya u Raja deiwa pynbaad wa leh ki pulit ka Meghalaya

U pa ka Sonam Raghuvanshi, u Devi Singh, da pynbaad u ya u Montri Rangbah ka Meghalaya, u Conrad Sangma wa thok u wei ya u Conrad leh toh u takit da ka CBI deiwa kyntu ya u Union Home Minister, u Amit Shah wow phah smat u ya ka CBI.

U Devi Sing da khana u wa ka Sonam wa Phone ya u payu ko, u Govind uwa da pyntip cha oo wa da chem ya ka na kawi ka Dhaba wa em ha Ghazipur, Uttar Pradesh.

ADVERTISEMENT

U pa ka Sonam da pynbaad u leh ya ki pulit ka Meghalaya wa thok ki deiwa ong wa tikna u 100% wa ki pulit ka Meghalaya leh emkti ki wow pynyap ya u Raja Raghuvanshi.

Da pyntip u leh wa u Raja wa ka Sonam ymtoh kiwa ya tipmit para ki neibhah wa i bia ki toh da ka Arranged Marriage deiwa pynrap wym pu em yoh u wow yaklam wa ka khon u wei du u khon u, u Govind uwa da yoh u yaklam wa ka heipor 2:00 waje i step.

Chooh chooh da ong u wa ka Sonam dapoi ko ha kani ka Dhaba ha Ghazipur dei bor yong ka wei ki pulit ka Meghalaya kwah ki u æiñ ya ka Sonam.

Related posts

Chah thang ka Police Station, ki kari pulit wei chah leh pynsih ki yung ki MLA ha kiwa yakhih pyrchah ya ka Dam

October 24, 2026

Phah kset ki pulit sa 5 sngi ya uwa klam beiñ ya uwa na Tripura | Maap uwa na Tripura dei wym kwah u jia iyi iyi

October 24, 2026

Da kyntait u leh yeiwa su ka Sonam ya ki bru yow pynyap ya u Raja neibhah ka khon u wym emkti ko heini waroh deiwa ong wa ini toh iwa pynchna donhi da ki pulit ka Meghalaya wei ka sorkar jylla leh da thok ko nadooh wa sdang.

Da kam u leh wa lada takit ka CBI waroh ki heh sorkar deilang ki pulit ka Meghalaya u chah kset patok ki.