U pa u Raja Raghuvanshi, u Ashok Raghuvanshi da kylli u na ka Sonam wa lada ym em kwah ko u bia yow krum wow pynyap, wei da ong u wa da bia ko toh neidaw wa kwah ko yei ksiar i rupa.
Da kyntu u leh ya ka yung bichaar wow kylli na ka Sonam ya ini i jooh.
Ki khubor wa da mih kattæ da ong wa Sonam da su ko cha kiwa pynyap ya u Raja pyn da ka poisa wa sai ko na snieh-poisa u kurim ko kawa Rs. 15,000.
Hadien wa pynyap da ong wa da tyrwa ko leh cha ki Rs. 20 lak wei ye u man leh yei ksiar wa deiñ u Raja da e ko cha ki.
Da em leh ka khubor wa da ong wa u Raj Kushawa chwa wow leh yeini i kaam da sdang u wow tieñ wei ym em de kyrchaan u ya ka Sonam wow leh ko heiwa nyngkong oo leh mut hi u wow wan cha Meghalaya tangwa kiwi won da lai bait ki hanla da ong u ya ki wym toh u lai tangwa ka Sonam da ong won ko wow su ya ki Rs. 15 lak yow wan ki wei yeini waroh daw ye u tip lada toh iwa sakhiat manda dep ka takit.
Hadien wa leh ki yeini i kaam ha ka 23 tarik wow pynyap ya u Raja wei da noh ki yei metyap u, da lai ki dei kjat chirup wei da yakhlaad noh ki deiwa lai jar jiar i luti heiwa ka Sonam da lai ko cha Guwahati da ka kari kamai.
Ka Sonam da chong Train ko ha ka 25 tarik yow lai cha Indore heiwa dapoi ko ha ka 27 tarik wei da lai rieh ko ha iwi i thaw sah wa da pynkhreh da u Raj wa em ha thaaiñ Dewas Naka ka Indore.
Ha ka 28 tarik won da lai ko cha Fatehpur da ka kari kamai wei da sah ko ha iwi i yung wa u Raj. Hadien ini ha ka 8 tarik won da lai ko cha Ghazipur wei ha ka 9 tarik won da hiar ko hajan ka thaw baam wa tip kam ka Kashi Dhaba kawa em harood u sarok Varanasi-Gorakhpur Highway heiwa da Phone ko cha u payu ko wei da wan ki pulit wow chimkti ka.
Discussion about this post