Ki pulit ka jylla daw paan por biang ki na ka yung Kasari lada emkaam wow takit chooh chooh ya ki 5 ngut hajrong i chah pynyap u Raja Raghuvanshi ha ka 23 tarik u Naisan.
Hawa klam ynne ka sngi, u Superintendent of Police ka East Khasi Hills, u Vivek Syiem da ong u wa i takit da lai ko hadien wa da e bor ka yung Kasari wow kset ya ki 5 ngut ha Police Custody, tangwa da ong u wa lada dang emkaam wow takit chooh chooh ki pulit, daw paan por biang na ka Kasari.
Ha kawi won ka liang, u SP da ong u wa ki pulit hadooh kattæ ym pu em jhan ki wow lai yah ya ki 5 ngut cha Sohra cha ka thaw wa pynyap ki ya u Raja, yow pynyoo biang ya waroh yeiwa jia, tangwa daw takit bniah chwa wei wow pynlum pynlang ya ki sabut wei hadien itæ won daw yah ki cha Sohra.
Kam wow pynmkynmoo ha ka 10 tarik uni u bnai, ka yung Kasari u District and Session Judge, Shillong da e ko du 8 sngi ya ki pulit ka Meghalaya wow takit bniah ya ka Sonam Raghuvanshi wa 4 ngut kiwi wa da chah pynbaad wa emkti wow pynyap ya u Raja Raghuvanshi ha ka 23 tarik u Naisan.
Ki pulit da kem ki ya ka Sonam Raghuvanshi, u Raj Kushwaha, u Anand Kurmi, u Vishal Singh Chauhan wa u Akash Rajput hajrong i chah pynbaad wa emkti u pynyap khiar ya u Raja Raghuvanshi ha ka thaaiñ Sohra ha ka 23 tarik u Naisan heiwa yei met yong oo da chem na chiteiñ riat ka Riat Arliang hajan ka Parking Lot ha ka kchaaid Wei Sawdong.
Discussion about this post