Hadooh wa kut bnai e por u DC ya kiwa dai dukan wow pynuiñ ya ki Plastic wa stang

U DC ka East Jaiñtia Hills District da pyntip u wa katkam ka Plastic Waste Management (Amendment) Rules, 2024 deilang ka hukum wa da pynmih da ka High Court ka Meghalaya heiyatoh wa ka mukotduma PIL (Phuyosa Yobin Vs State of Meghalaya & anr), da khang yei pynemkaam ya ki muna Plastic kiwa stang ya 120 Micron khamtam kitu kiwa pynemkaam chisien dep tæ noh.

Hajrong ini, u DC da phah u ya waroh kiwa chongdai dukan, ki Wholesaler, kiwa Supply kamjooh kiwa dai wa em ha hapoh ka East Jaiñtia Hills kiwa em ha kti ki kattæ ya kini ki Plastic wa stang hapoh 120 Micron wow lai pynuiñ ki cha ki thaw wa thied ki næ cha ki bru wa thied ki ya kini wei ye leh wow noh ki dei wym ktah.

Da e por wow lai pynuiñ ya kini Plastic wa stang hapoh 120 Micron cha ki thaw wa thied ya ki hadooh ka 20-06-25 wei kamjooh wow pynwiar pyndam noh ki lym kamtæ daw wan chim ki da ki Executive Magistrate.

Related posts

Pynbna ka MACS ya ka tarik yaleh Written Exam

August 7, 2026

Wa yap kjut biang ki sñiang dawa ka HFU wow booh thaw Test ya kiwa wanrah na baar

August 7, 2026