Uwi u bru uwa tip kam u Raj Prakash uwa chong ha ka Executive Coach ka rel Vande Bharat Express na Delhi cha Bhopal du neidaw wym bien u wow kylliang ya i thaw chong da chah dat u ha ki bru u MLA.
Ini da jia i ha Jhansi Railway Station heiwa ki damok wa dat ya uni u bru toh kiwa bood ya u MLA ka BJP na Babina, Uttar Pradesh, u Rajeev Singh.
Uni u MLA da ku u ha ka E-2 ha Delhi chirup wa ka kurim u, ka Kamli Singh wa u khon, u Shreyansh Singh. Ka chuki u Rajeev Singh toh Seat No. 8, katwa ka Kamli wa u Shreyansh toh ki Seat No. 50 wa 51.
Ka Seat 49 toh kawa em harood ka yit kawa chong da u Raj Prakash.
U MLA da paan u na u Raj Prakash wow chong noh ha ka Seat No. 8 khnang wow chong jan u wa ka kurim wa u khon tangwa u Raj Prakash da kyntait u.
Manda poi ka rel ha Jhansi, kamwa 7-8 ngut ki damok da psiah ki ha ka rel wei da sdang dat ki oo u Raj Prakash heiwa kiwa sakhi da ong ki wa da bok da kynjet ki oo.
Neiliang kiwa sakhi yeini da ong ki wa heipor wa chah dat u Raj da em 3-4 ngut ki pulit tangwa ym em leh ki iwon iwon.
U Rajeev da mih i snaam i khmut i neini wa jia wei da joo leh i snaam cha ka sula u heiwa da ong u wa daw lai ujor u cha ki pulit ya ini wa jia.
Discussion about this post