Ka Mawkdok Skywalk u man ko kam kawi na kiwa jrong dooh hapoh ka ri: Conrad

U Montri Rangbah ka jylla, u Conrad K Sangma hawa lai pynman ya ka CM Connect ha Mawkdok kawa em hapoh ka Laitkroh C&RD Block, East Khasi Hills da yoh u wow ap u sñiaw yeiwa ood wa naam ki paidbah nadooh kiwa yatoh wa ki luti syngkieñ, ka bordiñ, ki thaw sah, ka umdih, i chakri ki Bank wa i pynkrehkaam ya ki Scheme ka sorkar pyrdi kam ka PMAY, NFSA wa ka Jal Jeevan Mission.

U Conrad hawa e yei klam da ong u wa ka CM Connect man ko kam ka rynsan yow ap u sñiaw yow chem leh yeiwa duna wa iwa bakla wei yow ye u leh yeiwa emkaam yow pynbait yeiwa lait.

Ha kani ka yalang, u Conrad da pynbna u leh wa daw sdang noh yei kreh ya ka Mawkdok Skywalk Project heiwa da pynyoo u ya ki dur ki dar kammon u pynchna ka wei daw man ko leh ka laad yoh khih ya kiwa chong chnong kani ka thaaiñ.

Da ong u wow chna ya kani ka Skywalk toh hei lut wa Rs. 51.7 klur wei kani ka yingkieñ Skywalk u man ko leh kawa nyngkong dooh kam kani hapoh Meghalaya heiwa kiwa uiñke suwari daw ye ki wow lai dei kjat najrong ka synrang wa em heini wei daw ye leh wow pait chapoh neidaw wa daw siang da ka yit napoh kani ka yingkieñ.

Related posts

Chah rah bor ki le ngut ki nong India ha ka seiñ kieñ suloi wa emyatoh wa ka Al-Qaeda

July 3, 2025

Dei por booh ka High Court yeiwa ye kiwa chongdai madan u dai ya ki mar ki

July 3, 2025

Deilang wa kani ka Skywalk daw chna leh ki Cafeteria, ki dukan, ki thaw pynyieñ kari wa kiwi de ki wow pait pynlai da ki tre chnong.

Da pyntip u leh wa dadep wow khut Tender wei yei kreh dadep wow e, katwa i kreh ye u sdang hadien ar bnai haroh manda duna u slap.

Kani ka yingkieñ Skywalk toh kawa jrong 40 meter wei kawa kmai 7 meter cha chrooh hei bynta wa tam cha synrang wa tip leh kam ka Cantilever kawa daw man kam kawi na kawa jrong dooh hapoh ka ri.

Da ong u leh wa kani man ko kam ka kular cha ki paidbah ka jylla yow pynku ya ki kaam uiñke suwari wei kani daw man ko kawa daw pynkylla dur ya kani ka thaaiñ waroh kawi.