Lai yah u Silom ya ki pulit chei thaw wa noh ya ka muna ka Sonam | Da chem ya ka poisa wa ka Pistol

U Silom James uwa man kam u bru wa pynyoh yung wai ya ka Sonam Raghuvanshi ha kawi ka yung Building wa em ha Dewas Naka, Indore uwa da chah kem deiwa chah pynbaad wa murieh u ya kawi ka muna ka Sonam wa em boon ki sabut wa emkaam.

Ynne ka sngi da lai yah u ya ki pulit cha kawi ka wah dooid wa noh u ya kawi ka Pistol (Country Made) heiwa da chem ar tylli ki Magazine deilang wa ar tylli ki kuli .32.

U Silom da lai yah u ya ki pulit SIT ka Meghalaya cha kani ka thaw heiwa da chem ya kani ka Pistol deilang kini ki kuli napoh kawi ka muna Plastic rong lieh.

Napoh ka kari won u ka Hyundai i10 wa em Number MP-09WG-2352 da chem ya ka poisa kawa Rs. 50,000 kawa da sai u napoh ka muna Laptop u Raj Kushwaha.

Related posts

Da wai ya ka Livelihood Service Centre ka Kduplang-I CLF ha Iooksi

October 8, 2025

Chah kawang Sandal sa u Judicial Magistrate ha uwa chah bichaar

October 8, 2025

Ya kani ka muna Laptop dadep u wow thang ka katwa ya ka Laptop da kam u toh kawa da noh u ha rood sarok tangwa ym pu em chem ka.

Kani ka muna toh kawa da chim u Silom na i thaw sah ka Sonam hadien wa yut ko na Indore.