Chong ngiah ka Prof. S.M. Sungoh kam ka Principal ka DDUCC Wahiajer

Ka Pt. Deen Dayal Upadhyay Community College (DDUCC) for Skill Development Centre, Wahiajer ha ka 24 tarik uni u bnai da leh burom ko ya ka Prof. S.M. Sungoh kawa da chong ngiah nei kaam Principal hadien 2 snem 2 bnai wa e chakri ko ha kani ka Community College.

Ha kani ka yalang leh burom da wan emlang ka Ibandari I Syiem, Controller Examination NEHU kam ka kongsan, u Prof. H. Lamin (Retd) Founder Principal I/c DDUCC kam u symbood kongsan, u Sanwotki Laloo, waheh chnong Wahiajer, u Dr. F.R. Sumer uwa man kam u Principal thymme, u Dr. P. Nongtdu, Member DDUCC, u Latu Nartiang, Branch Manager, Meghalaya Co-operative, Apex Bank Ltd. Ummulong Branch ki warep, kiwa lai puræ ha kani ka College wa kiwi.

U Prof. H. Lamin hawa e yei klam da pynkynmoo u yei por wa ka DDUCC chem chitom ko heipor wa sdang ya ka. Hawa e yaroh won yei embynta ka Prof. Sungoh ha kani ka Community College, da ban joor haroh u hajrong i emkaam yong i yakrehlang nadooh ki bor pait bor pynlai kani ka DDUCC, kiwa sikai, ki khynnah puræ deiwa em i sñiawtre khnang yow jop ya iwon iwon i kaam wei yow nang ku kani ka College na ki snem cha ki snem.

Neiliang ka Prof. S.M. Sungoh dap ko dei sñiawkmen wei sñiawngooh yei kyrchaan wa yoh ko na kani ka College ha ki snem wa da lai deiwa kynmoo tympang leh yei lai luti yong ka.

Sñiawkmen haroh ko wow yoh u sakhi yei jop ki khynnah wa wan chah sikai ha kani ka College deiwa kyntu leh u pteiñ u e kyrchaan yeiwa emkaam kani ka College heiwa ka leh u pteiñ kyrchaan ko ha iwon iwon i bynta.

Related posts

Leh burom Independence Day ka Seva Bharati ha Jowai

August 15, 2025

Da ka yakob siat Carrom pynman ka Scouts & Guides ka West Jaiñtia yow lehkmen sngi laitlooid

August 15, 2025

Ong haroh ko wa dap ko dei mynsien wa khroo wa da e laad ki ya ka u man ko kam kawa pait wa pynlai ya ka DDUCC ha ki snem wa da lai, sñiawkmen haroh ko yei yoh u pyndep ya kiwa boon ki kaam deilang wa kiwa ksoh kaam kani ka College.

Da pyn-eh-daw pyn-eh-nasib haroh ko ya u Principal thymme wa kiwa kreh yong kani ka College yow nang ye ki u kreh bha chooh chooh ha ki liang waroh.

Ka Ibandari I Syiem kam ka kongsan hawa e yei klam yaroh ko yei ku i phooh i phieñ kani ka College hei yahkhmat ka Prof. S.M. Sungoh, yaroh ko leh yei sñiawthooh yumut yong ki hei wow kyntu kynrong ya kani ka DDUCC kamwa man ko katni.

Kamtæ kyrkhu kyrdoh haroh ko ya ka Prof. Sungoh wow yoh ko dei chait i khiah wei kyrkhu ko leh ya ka DDUCC yow nang ku nangroi ko neipor cheipor.