3rd Division EJHDFA: Jop ka Tuber Chohchrieh, Umrasong wa ka Dkhiah East

Ka 3^rd Division 2025 ka East Jaintia Hills District Football Association (EJHDFA) dapoi ko cha ka sngi wa ar ynne deiwa pynman le tylli ki yalehke.

Ha ka yalehke wa nyngkong, ka Tuber Chohchrieh SSC da jop ko ya ka Sengkhynroo SC Umsatai da 2-1. Ya ka Tuber Chohchrieh da thap da u Shainly Shylla ha ka minit wa 26 wa u Kyntulang Shylla ha ka minit wa 63 katwa ya ka Umsatai da thap da u Jiwell Sympli ha ka minit wa 45.

Ha ka yalehke wa ar, ka Umrasong da jop ko ya ka Evergreen SC Ladwapung da 2-1. Ya ka Umrasong da thap da u Dapkupar Pongrop ha ka minit wa 36 wa u Wellborn Pongrop ha ka minit wa 80+1 katwa ya ka Evergreen da thap da u Tenderly Dkhar ha ka minit wa 79.

Related posts

Psiah Final ka Kremmyrsiang ha ka 1st Division, jop ka Tluh ha ka Super Division ka SBSA

October 26, 2026

Jop ka Niriang ha ka 1st Division, ka Lumphyrnai Sohphoh da 9-1 ha ka Super Division ka TSA

October 26, 2026

Ha ka yalehke wa le, ka Dkhiah East SC da jop ko da 2-1 ya ka Shymplong SCSC. Ya ka Dkhiah East da thap da u Teilang Dkhar ha ka minit wa 10 wa u Jet Nongtdu ha ka minit wa 54 katwa ya ka Shymplong won da thap da u Dapmon Lapasam ha ka minit wa 25.