Chah ah rdang sa kawi ka kynthai ha u chan tangwa ini won hapoh Hospital deiwa sakhi kiwa boon

Kawi ka kynthai da chah pynyap ko deiwa chah ah rdang hakhmat kiwa boon kiwa yoo kiwa khlem em wan yarap iwa da jia hapoh kawi ka Hospital ha ka sngi Thohdieñ wa dep.

Ini da jia i hapoh ka Narsinghpur District Hospital ka Madhya Pradesh wei da yoh leh wow riñ da ka CCTV.

Kani ka kynthai toh kawa dang 18 snem i rta kawa tip kam ka Sandhya Chaudharyda, heiwa da wan ko cha kani ka Hospital yow lai pait ya kawa tipmit ko kawa dang dep kha khon, uni u chynrang won toh u chan ko uwa tip kam u Abhishek Koshti wei i thaw wa jia ini toh hajan ka Emergency Unit kani ka thaw sumaar.

Katkam wa yoo ha ki Video, ka Sandhya dang chong ko ha kani ka thaw wei da wan u Abhishek uwa da yaklam waka kajiak wei da sai tari u heiwa da sdang wow ah ya u rdang ko wei da ah u leh ya u rdang hi u tangwa ym em mynsoo joor u.

Related posts

Chah thok poisa kiwa boon ha kawi ka Company wa pynemkaam boon tylli ki pyrtuid

July 1, 2025

Chah kem u Pastor wa slaitbor ya ka khynnah wa dang 16 snem ha Assam

June 30, 2025

Kawi ka Nurse da ong ko wa da pyrchang wow yarap tangwa u Abhishek da maham pynyap u ya kiwon kiwon kiwa mut wow yarap wei kiwi won da riñ Video ki yein wa jia.

Hadien ini da yut u Abhishek na kani ka thaw da ka thuk-thuk u.

Hadien wa takit ki pulit, da chem wa da wan u Abhishek heipor chiteiñ sngi wei heipor kamwa 2:30 da em wa yoo wa yaklam u Abhishek wa ka Sandhya wei da bood u ka cha kani ka thaw wa jia wei da yoh wow kem oo du hapoh chikynta wa jia ini.

Katkam wa phla u Abhishek, da tipmit u wa ka Sandhya la ar snem tam deiwa tipmit nyngkong lyngba ka Social Media tangwa nadooh u bnai nyngkong uni u snem da suba u wa da em chan ko chawi wei i thmu u toh wow pynyap ka wei wow pynyap u leh ya idæ tangwa hawa pyrchang u ym em ye u wow leh yeini.