Pynlait ka Palica Lyngdoh ya ka kot wa nyngkong hei rta wa 19 snem

by Wyrta Staff

July 2, 2025

Reading Time: 3 mins read

Ka Palica Lyngdoh kawa da kha wei da heh da san ha Jowai kawa dang 19 snem i rta, da pynlait ko ya ka kot wa nyngkong yong ka kawa da e pyrtuid “Buried But Breathing”.

Kani ka kot kawa man kam ka kot Poetry kiwa klam chaphang i yaleh yong samen, i maad yeiwa sñiawsih, i wym hoi wow sñiawrem wei kammon u yaleh yow yoh yei jop, ye phi u thied ka na Notionpress, Amazon, Flipkart wa na Ebook.

Ka Palica da ong ko wa da thoh ko ya kani ka kot yow yarap ya kitu kiwa khia yukit, kiwa hap wow maad ya kiwa boon jait samen, kiwa da hap wow yaam dei rieh yow e mynsien ya ki wym toh u sñiaw ki kam kiwa da chah tlep tangwa kiwa dang riñ mynsien hi.

Da ong ko leh wa yow chait na waroh iwa da chah pyntakha i ymtoh iwa suk tangwa iwa ye hi u leh.