Ka lieñsuiñ ka British Royal Navy ka F-35 Fighter Jet, kawa da hap hiar syndet ha Thiruvananthapuram International Airport, Kerala ha ka 14 tarik u Naiynru daw hap looid ya ka wei u kit won ya ka cha United Kingdom.
Hanlada pyrchang wow chna boonsien ya ka kani ka lieñsuiñ kawa man kam ka Fifth-Generation Stealth Jet dang neh ko ha kani ka Airport hadien wym ye u chna yeiwa sih ko.
Hadooh katni ym pu em ki Engineer na United Kingdom wa wan cha India hanlada yooluti wow wan ki 30 ngut ha Thiruvananthapuram wow chna ya ka.
Kani ka lieñsuiñ F-35B kawa man chibynta yong ka HMS Prince of Wales Carrier Strike Group, hær ko 100 miles narood duriaw ka Kerala wei hadien wa lut phñiang ko da hap hiar syndet ko ha Thiruvananthapuram. Ka Indian Air Force da yarap ki wow hiar kani ka lieñsuiñ wei da pyndap ki leh yei phñiang ha ka.
Heipor wa mut ko u mih na kani ka Airport da em biang i thut ha ki Hydraulics yong ka iwa da pynbor ya ka wow neh ki hajooh.
Da em ki Engineer ka Royal Navy wa wan tangwa i pyrchang wow chna ya ka ym em man iwa iwa jop.
Ka lieñsuiñ katni neh ki ha Bay 4 ka Airport hapoh i yada ki chipai ka Central Industrial Security Force (CISF).
Discussion about this post