Ka seiñ JSM Lapangap Unit ynne da dawa ko na u Symbood Montri Rangbah, u Sniawbhalang Dhar wow kyrriah noh ya ki pulit ka Assam kiwa da chong da sah ha Loom Pynthor ka Lapangap wei wow booh da ki pulit ka Meghalaya.
U Sniawbhalang ynne da wan u cha Lapangap yow yoo dei khmat hadien wa i kynaad da pteiñ i ha kani ka chnong nadooh ka 10 tarik u bnai wa dep.
Neiliang ka seiñ da ong ko wa ka chnong Lapangap toh kawa da maad yei eh nadooh u snem 2020 wei da yooluti wa ini i wan u Symbood Montri Rangbah ymtoh wow pynbiej bru yow yoh Vote ha u snem 2028 wei da kyrmen wow chimkhia u ya kani ka kaam wa da jia i kynaad man-u-snem.
Heiyatoh wa i dawa wow kyrriah ya ki pulit ka Assam, da ong wa u Loom Pynthor toh uwa da e nadooh nachwa da ki longchwa manchwa uwa da hiar pateiñ hadooh katni cha kiwa chong chnong, kamtæ da emkaam wow kyrriah noh ya ki pulit ka Assam na utai u loom deiwa booh da ki pulit ka Meghalaya.
Discussion about this post