Chah tooh i dukan ah sñiooh, paan yarap u tre yow chem ya ki tiar ki tar

by Wyrta Staff

July 9, 2025

Reading Time: 2 mins read

Iwi i dukun ah sñiooh ki chynrang wa em ha Mukhla da chah tooh i heiwa kini kiwa tooh da rah lut ki ya ki tiar ki tar wa boon.

Neiliang u tre da pyntip u wa ha 7 tarik uni u bnai manda wai dukan u da chem wa da em wa tooh wei ymtip kammon da psiah kini ki bru chapoh neibhah ya ka Shutter ym em wa khyndang ka wei ka dwar nadien leh ym em wa tympiah ka tangwa da suba wa da ye ki wow wai ya ka Shutter dep tæ khang biang ki ka.

Ki tiar wa da chah tooh toh nadooh ka Apron, ki kait, ki yuchun, ki dawai sait khmat, ki rong biah sñiooh, ka Hair Dyrer, ki kor ah sñiooh 6 tylli, u Bulb hadooh u Kettle wa kiwi de.

Hajrong ini, neiliang u tre dukan da kyntu u wa lada em kiwon kiwon kiwa tyrwa dai ya kini ki tiar ye ki wow pyntip cha oo deiwa Phone ha ini i Number- 7085410367.