• About Us
  • Contact Us
  • Privacy Policy
  • Advertise With Us
  • Terms & Conditions
Friday, July 11, 2025
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
No Result
View All Result
ADVERTISEMENT
Advertisement Advertisement Advertisement
ADVERTISEMENT
Home News

Pynman ka Shangpung College ya ka District Level Youth Festival

Wyrta Staff by Wyrta Staff
July 11, 2025
Reading Time: 4 mins read
A A
0
Share on FacebookShare on Twitter
ADVERTISEMENT

Ka Shangpung College da pynman ko ya ka “District Level Youth Festival of the Red Ribbon Club (Jaintia Hills Region)” ha ka 8 tarik uni u bnai ha Moolibang Community Hall, Shangpung. Kani ka yachemlang wa pynlai da ka Red Ribbon Club ka Shangpung College toh deiwa ya ksohktilang wa ka Meghalaya Aids Control Society, Shillong ha ka phang “Break the Stigma, Break the Silence, Break the Chain.”

Ka kongsan ha kani ka sngi toh ka Lisana Balsime R. Marak, MCS. Assistant Commissioner, West Jaintia Hills District, u Dr. Frankinstar R. Shadap, Block Development Office deiwa emlang ka Dr. Phaity Lamare, District Tuberculosis Officer cum District AIDS Control Officer (DACO), East & West Jaintia Hills, ki bru yong ka Meghalaya AIDS Control Society, Shillong, ka Larina Nongpuir, Assistant Director, Youth Affairs, u Ajoy M. Lanong, Deputy Director wa u Sandy Banroi Tariang, Cluster Program Manager chirup ki dkhot ka Governing Body yong ka Shanpung College, ka Synjuk ki Dorbar Chnong Shangpung wa u Principal ka Shangpung College.

ADVERTISEMENT

Ha kani ka lehkmen da pdiang sñiawbha da u Principal ka College, u Dr. D.G. Lyngdoh ya kiwa chimbynta ha kani ka Youth Fest, ka Dr. P. Lamare da e ko i pynche yei roi u khñiang HIV/AIDS wei da yoh leh yei klam na ka kongsan wa u symbood kongsan.

Ki College kiwa chimbynta ha kani ka District Level Youth Festival toh ka Thomas Jones Synod College, ka Jaintia Eastern College, ka Nongtalang College, ka Don Bosco College, Byndihati wa ka Shangpung College kiwa da yaleh ha ki yakob waphær waphær nadooh ka Marathon, ka Quiz Competition wa ka Inter-College Self Composed Singing Competition.

Related posts

Hei lehkmen dap 10 snem ka JNC kyntu kyrsu ka seiñ wow yatylli yow lait nei adnood bichni

July 11, 2025

Da kyntu ya ki paidbah wow yait nei pynemkaam ya u sarok Laitlyngkot-Lyngkyrdem

July 11, 2025

Ha ka Inter College Marathon (Female Category) da jop nyngkong da ka Anidakashwa Shylla, Shangpung College, pynbood won sa ka Wadakini Suchiang, Thomas Jones Synod College hei wa ar katwa hei wa le da jop da ka Roibhaki Biam, Kiang Nangbah Government College. Ha ka Male Category won da yoh nyngkong da u Richel Khriam, Thomas Jones Synod College, hei wa ar da yoh u Apdameihi Niang, Thomas Jones Synod College katwa hei wa le da yoh u Tony Suting, Thomas Jones Synod College.

Ha ka Quiz Competition da jop ka Lummuro Secondary School, hei wa ar da jop ka Clear Water Secondary School wei hei wa le da jop da ka Shangpung RMSA Secondary School.

Ha ka Self-Composed Singing Competition da jop da ka Thomas Jones Synod College, hei wa ar da yoh ka Shangpung College wei wa le da yoh da ka Nongtalang College. Kiwa bichaar ha ka Inter College Singing Competition toh u Lyngkit Lyngdoh, u Da-oo Biang Langstang wa u Luckystar Lapasam.

Yei klam pynkut da yoh na u Emmitre Iakai uwa da e khublei ya waroh kiwa chimbynta.

ShareTweetSendShare
Previous Post

E khublei Behdieñkhlam ka Synjuk Waheh Chnong Ri Jaiñtia ya ki khon ka Raij Jowai

Next Post

Khlem da khana katwon tylli ki kreh wa lait deiwa thoh donhi ‘Some Post’ pynmih Advertisement ka DSC

Related Posts

News

Hei lehkmen dap 10 snem ka JNC kyntu kyrsu ka seiñ wow yatylli yow lait nei adnood bichni

July 11, 2025
News

Da kyntu ya ki paidbah wow yait nei pynemkaam ya u sarok Laitlyngkot-Lyngkyrdem

July 11, 2025
News

Jop ka Riwanka Pde ya ka yakob thoh Essay chaphang ka Behdieñkhlam

July 11, 2025
News

Khlem da khana katwon tylli ki kreh wa lait deiwa thoh donhi ‘Some Post’ pynmih Advertisement ka DSC

July 11, 2025
Next Post

Khlem da khana katwon tylli ki kreh wa lait deiwa thoh donhi ‘Some Post’ pynmih Advertisement ka DSC

Discussion about this post

Wyrta

© 2025 WYRTA Khubor Hei Ktien Pnar

Navigate Site

  • About Us
  • Contact Us
  • Privacy Policy
  • Advertise With Us
  • Terms & Conditions

Follow Us

No Result
View All Result
  • Home
  • Politics
  • Culture
  • National
  • Sports
  • Life
  • English
  • Guest Writer
  • Entertainment

© 2025 WYRTA Khubor Hei Ktien Pnar