Jowai : Katkam ka yutip wa da yoh na ki pulit da ong wa da yoh ki ya kawi ka ujor na u Shiningstar Timung na ka chnong Barato.
Ha kani ka ujor u Shiningstar da ong u wa ha miet ka 29 tarik uni u bnai heipor kamwa 9:30 heipor wa dang em u wa u lok u, u Ashok Kumar ha Stand Ialong, Iawmusiang, da wan le ngut ki bru kiwa da dawa poisa na u Ashok.
Hadien ini u Shiningstar da yaklam pynyasuk u wa ki heiwa da dat ki oo da u tyrnem wei da maham ki oo, wei da haap u kit noh ya oo cha Jowai Civil Hospital, Ialong.
Ya kini ki le ngut da tip leh kam u Kamal Das næ u Kamal Tyngkan na Iawmusiang, u Tredamiky Lytan wa u Sam Lytan kiwa na Khimmusniang.
Ya kini ki le ngut da kem na Wahgate, Iawmusiang ynnin ka 30 tarik hadien wa wan pyntip wa em wa pynawri heini i thaw.
Ki pulit dang leh ki yeiwa emkaam hei yatoh wa ini wei da yah leh ya ki cha ka yungbichaar.
Da suba leh wa u Tredamiky Lytan wa u Sam Lytan emkti ki hei wow dat ya kawi ka didi wa chong dai baam hajan ka yungkrehkaam u DC ka WJH wei da em leh sa uwi uwa emkti ha ini i kaam.
Also Read: Chah dat ka didi ha ki ar ngut kiwa muaid ha Iawmusiang
Discussion about this post