U Symbood Montri Rangbah ka jylla, u Prestone Tynsong ynne da ong u wa i kam thaw markylliang hapyrdi ki Karbi wa ki Pnar daw pteiñ i kat wym pu ye u pynbait ki ar jylla lyngba ki Regional Committee.
Da ong u wa ka Block I wa Block II, lada pait katkam ka Notification 1950, da klam che wa kitu ki thaw dapoi ki cha Karbi Anglong, wei ka sorkar emkaam ko wow kyrpaad ya ka Assam wow pynuiñ biang cha Meghalaya.
Neiling u Prestone da kyntu u ya ki chnong ha khappood lada em ki ha Assam næ ha Meghalaya wow pynneh ki ya ka Status Quo deiwa ieh chwa kamwa man wei wow wanrah yei chong chngaaiñ yow lait jia mih i ya kajia biang.
Da ong u wa neiliang ka sorkar ka yaklam ko ya kini ki phang neipor cheipor ha ki SP wa DC na waroh arliang yow ya pynbiat wei wow pyntikna wym mih iwon iwon i jia, tangwa u Prestone da bynrap u wa ki bor pynlai District ymtoh u rai ki ya iwon iwon wa kawon ka thaw haap ko cheiwon, lait noh hadien wa da pait da yaklam da ki ar tylli ki Regional Committee wei hadien wa da chim rai khaddooh da ki Montri Rangbah yong ki ar jylla.
Discussion about this post