Ka West Jaiñtia District Table Tennis Association ha ka thong wow kyntu kynrong yei sap ki bru wa ka-it ya ka yalehke Table Tennis da pynman ko ya ka ka 3rd District Table Tennis Championship & Under 17th Table Tennis Championship 2025 ha Khimusniang Indoor Hall.
Ya kani ka yakob da phiah ha ki ar bynta wa kynthup ya ka Open to All wa ka Under-17 kawa man kyrpang neibynta ki chynrang wa ki kynthai.
Ha ka yalang pynkut yong kani ka yakob wa da pynlai da u Patrick Lamare, Vice-President WJDSA hei emlang u A. Wahlang, General Secretary, WJDTTA deilang u T. Bamon, Waheh Chnong ka Khimusniang da wan u wow man kam u kongsan hei sakhilang leh ki dkhot yong ka West Jaiñtia District Table Tennis Association.
U T. Bamon hei e kyntien kam u kongsan da kitbok kitrwiang u ya kiwa yachimbynta waroh wei kyrsu kyntu u leh wow dohyap ki u kreh chitom khnang yow ye ki u pynjanai chooh chooh yei sap yong ki wei wow rah naam rah burom ya ka chnong ka thaw ka Raij ka muluk ha ki por ki snem wa chakhmat.
Heiliang ka Under -17 Boys ki khynnah kiwa da yoh u rah yei naam i burom yong kani ka yakob toh u Samehi Dkhar deiwa pynrem yow Garethly Dkhar neitæ ha ka yalehke mar samen, ha ka Boys Double u Garethly Dkhar wa u Samehi Dkhar da jop ki ya u Corbah Khonglah wa u Dasaki Thma.
Neibynta won ka Men’s Single, u Eraphael Dkhar da jop u ya u Lamida O Passah katwa ha ka Men’s Double won u Eraphael Dkhar wa u Jeffrey Litting da jop ki ya Lamida O Passah wa u Enangtei Ymbon.
Heiyatoh wa ki kynthai, ha ka Women’s Double ka Aquila Langbang wa ka Sakani Tariang da jop ki ya ka Hakawothi Phai wa ka Pynhun Khyriem, neibynta won ka Women’s Single ka Sakani Tariang da jop ko ya ka Hakawothi Phai katwa ha ka Mixed Doubles won u Lammida O Passah wa ka Sakani Tariang da jop ki ya u Enangtei Ymbon wa ka Pynhun Khyriem.
Discussion about this post