Ka yung kasari u First Class Judicial Magistrate, u DKK Mihsill ynnin da e jamin u neibynta u Silom James uwa man kam u bru wa pynyoh thaw sah yung wai ya ka Sonam Raghuvanshi ha Indore hadien wa liwan ko na Meghalaya.
Neiliang u muktiar u Silom da ong u wa neidaw wym emkti u hei pynyap ya u Raja Raghuvanshi, da e ya oo da jamin deiwa booh ki kyndon.
U Silom toh uwa da chah kem deiwa chah pynbaad wa da murieh u ya ki sabut heiyatoh wa i chah pynyap u Raja nadooh ki ksiar ki rupa, ka Laptop wa pynemkaam u Raj Kushwaha heiwa ki pulit da yoh ki wow chem ya ka poisa, ka Pistol deilang ki ksiar ki rupa.
Deilang wa u James, ki pulit da kem ki ya kiwi ki arngut kitæ u Lokendra Singh Tomar uwa man kam u tre yung wa sah wai ka Sonam wei uwi won toh u Balbir Ahirwar uwa man kam u Security Guard kani ka yung wai kiwa waroh ar da yoh jamin ki ha ka 11 tarik uni u bnai.
Ka yung kasari da booh kyndon ko ya u James wym toh u leh u ya kiwon kiwon ki kaam pyrchah aiñ, u ya krehlang u wa ki pulit ha iwon iwon i por wa emkaam wei wow wan hakhmat ka yung bichaar khlem pep najrong wym toh u pynthut u ya ka takit deiwa yaklam wa kiwon kiwon kiwa emkti ha ini i kaam næ kiwa sakhi.
Puræ leh: Yoh jamin ki ar ngut wa suba emkti hei chah pynyap u Raja Raghuvanshi
Discussion about this post