I chah tooh ki thuk-thuk dang pteiñ hi i khlem sangeh hanla da yoh wow kem ya ki kattu katni kiwa emkti khamtam ha Shillong heiwa ha ka 19 tarik uni u bnai kawi ka Scooty wa em Number ML-05Y-8574 da chah tooh ko na Demseiniong, Shillong.
Kani ka Scooty toh ka TVS Ntorq 125 (rong soo wa rong yong) kawa pynyieñ ha rood sarok heipor wa chah tooh ko.
Neiliang u tre da kyntu u ya kiwa yoo wa chem ya kani ka Scooty wow sñiawbha ki wow Phone ha ini i Number- 9863680723.
Ha kiwi ki jia chah tooh thuk-thuk ha Shillong da jia leh ha ka 13 tarik uni u bnai heiwa kawi ka thuk-thuk wa em Number ML-05J-0805 da chah tooh ko na Upper Mawprem.
Ha ka 14 tarik won da em sa kawi ka thuk-thuk wa chah tooh na Mawdiangdiang kawa em Number ML-05AC-8034.
Ha ka 15 tarik won da em wa tooh ya kawi ka thuk-thuk wa em Number ML-05AA-0060 na Fire Brigade, Shillong.
Da em leh kawi ka kari Bolero Pickup kawa da chah tooh ha ka 16 tarik kawa em Number ML-05P-9529 na Mawiong By-Pass hajan ka ISBT, Shillong.
Discussion about this post