Phah ka India da ki Doctor cha Dhaka hadien wa haap ka Jet ha ka thaw puræ

Ka India ynnin ka sngi da pynbna ko wow phah ya ki Doctor wa ki Nurse kiwa pliah u wow sumaar ya kiwa iñ hadien wa haap ka Jet ha Dhaka, Bangladesh.

Ha ini i jia da em 31 ngut kiwa yap wa kynthup ya 25 ngut ki khynnah hadien wa haap ka Jet ka Bangladesh Air Force ha Milestone School and College ha Uttara, Dhaka ha ka 21 tarik heiwa da em boon ngut kiwa yap wa mynsoo.

Neiliang u Prime Minister, u Narendra Modi da phah u leh ya ki kyntien sñiawlem kamjooh i kular wow yarap ya ka Bangladesh.

Ka Ministry of External Affairs (MEA) da ong ko leh wa daw phah ya ki Doctor wa ki Nurse chirup wa ki dawai cha Dhaka wow sumaar ya kiwa mynsoo.

Related posts

Kylli ka KYM na u DC iyi wa da leh ya ka poisa wa da booh yow yada ya ka wah Myntdu kawa da ktieh biang kattæ

October 31, 2025

Yachem ka JSU wa u Chairman ka MPSC yow lait biang u tyngkhooh tarik wa ka DSC

October 31, 2025

Kini ki Doctor daw pait sylli ki leh ya kiwa mynsoo lada emkaam ki wow chah sumaar ha India.

Ki Doctor kynthup ki leh ya kiwa na ki Hospital ka nongbah Delhi kam ka Ram Manohar Lohia Hospital wa ka Safdarjung Hospital.

Kam wow kdaw heini ka Bangladesh Air Force da thung ko leh ya ka takit hajrong ini i haap kani ka Jet.