2nd Division EJHDFA: Jop ka Lumshnong, Moosianglamare New wa Moosianglamare Old

Ka 2^nd Division 2025 ka East Jaiñtia Hills District Football Association (EJHDFA) dapoi ko cha ka sngi wa ynru ynne deiwa pynman le tylli ki yalehke.

Ha ka yalehke wa nyngkong, ka Lumshnong YWSC da jop ko da 3-0 ya ka Iapmala United SC da ki kool wa thap u Joy Peace Pohtmi ha ka minit wa 41, u Arniki Suchiang ha ka minit wa 51 wa u Rida O Rupai ha minit wa 59.

Related posts

Dawa ka PSM na u DC wa u SP wow booh Infiltration Check Gate ha u sarok Jowai-Dawki wa joor psiah tooh ki Bangladeshi

September 22, 2026

Yap uwi wei mynsoo joor ka kurim hadien wa chah tyrrah ka Scooty ha ka Thar

September 22, 2026

Ha ka yalehke wa ar, ka Lakadong Ummatdoh SSC da rem ko da 4-1 ha ka Moosianglamare New YWOSC. Ya ka Lakadong Ummat da thap da u Rimiki Chadong ha ka minit wa 18 katwa ya ka Moosianglamare New da thap da u Juhki Suting ha ka minit wa 10, u Iotmi Nongtdu ha ka minit wa 31 wa u Woldbest Nongtdu ha ka minit wa 44 wa 49.

Ha ka yalehke wa le, ka Mosianglamare Old SC da jop ko da 5-4 ya ka Ratacherra CSC. Ya ka Mosianglamare Old da thap da u Pyniar Pasleiñ ha ka minit wa 8 wa 30, u Premio Muksor ha ka minit wa 35 minit wa u Sol Sympli ha ka minit wa 72 wa 80+3. Ya ka Ratacherra da yoh Hat-Trick u Gradely Mylliem uwa da thap ha ka minit wa 20,39 wa 42 wa u Lutmon Pohshna ha ka minit wa 75.