Kawi ka khynnah wa 16 snem da yap ko hadien wa noh ko na i soo mala ka Som Lalit School ha Navrangpura, Gujarat ha i sngi ka 24 tarik heiwa da kit ya ka cha thaw sumaar tangwa ym ye de u yarap ya ka.
Kani ka khynnah kawa lai Class-X da mynsoo joor ko na khlieh wei da kheiñ leh ki kti wa ki kjat yong ka, wei da riñ yeini iwa jia ha CCTV heiwa da yoo wa lai kani ka khynnah kam kiwi hi tangwa syndet da ku ko ya i Railing wei da kynthiar ko.
Kani ka khynnah da noh ko heipor 12:30 i sngi heipor wa baam ja sngi kiwa boon heiwa ki pulit da chimkti ki leh ya ka Mobile yong ka wei da takit ki leh ya ki para Class wa ki lok ko kamjooh.
U pa kani ka khynnah toh uwa em dukan ha Navrangpura wei da wan booh skur u ka hei step.
Heipor kamwa 12:45 i sngi da pyntip ya oo yeiwa jia heiwa da khana wa da em ko ha thaw sumaar neidaw wa mynsoo ko na khlieh.
Neiliang ki pulit dang pynman ki yei takit hajrong ini.
Discussion about this post