Ka seiñ HITO da yachem ko wa u Mahbulbul Hoque, Chancellor ka USTM deiwa e deilang ka chithi yow pyrchah yei thong kani ka University wow pynkrehkaam ya ka Mission Rehabilitation Education yow e yarap thaw puræ ya kitu ki khynnah kiwa da chah beh chnong na Assam.
Ka seiñ da ong ko wa sñiawthooh yei yarap para-bru tangwa kini ki bru ymtoh kiwa chong chnong ka Meghalaya wei ym em leh man ki kam ki nong India katkam ka aiñ ka ri.
Kamtæ da ong wa kani ka University deiwa kyrchaan ko ya kini ki khynnah ki wym em hok hapoh Meghalaya kawa da em chwa boon kiwa im wei psiah pyrchah aiñ hapoh yong ka, daw ktah ko ya ka imlang sahlang wa ka synchaar khadar wei manda leh kamni daw wai dwar ko leh ya kiwi yow yoh ki wow yaleh kot yow man kam kiwa chong chnong wa pura iwa daw ktah kylla ya kiwa man kam ki tre chnong.
Da pynkynmoo leh yei long i man ha khappood ka India wa Bangladesh heiwa em boon kiwa psiah tooh wei ka Meghalaya ymtoh u man ko kam ka thaw wa yoh u rieh ki bru kiwa maa ya ka ri hei dur wow yarap para-bru.
Ka seiñ da ong ko wym em pyrchah ko yei puræ puthi tangwa ya kitu kiwa chim kabu deiwa pyndur wa em yei mynsien maya wow e yarap, wei kam ka seiñ wa yada ya ka imlang sahlang ym e laad wow booh hei maa ya ki tre chnong kiwa da yoh leh yei hok hapoh ka Sixth Schedule.
Kamtæ da kyntu ya u Chancellor ka USTM wow pyrkhat deiwa miat hawa chim yei rai yow lait u chah ktah ka Meghalaya.
Discussion about this post