Dawa ka HITO wow thung ya u Branch Manager wa pura ka SBI ha Raliang wei wow pynyinsur yei por wa wai ya ki ATM

Ka HITO da thoh ko cha u heh ka SBI wa man kam u Deputy General Manager (B&O), Administrative Office Shillong yow dawa thung ya u Branch Manager wa pura ha Raliang Branch wei wow pynyinsur yei por wa wai ya ki kor ATM kani ka Bank.

Neiliang ka seiñ da ong ko wa ka Raliang Branch da krehkaam ko khlem u Manager wa pura da boon bnai iwa da ktah yei chakri paidbah kani ka Bank khamtam ya kitu kiwa yaleh ya ka Education Loan wa ka Kisan Credit Card (KCC) Loan neibhah wym em wa mynjur ya kini ki ram wa emkaam ki paidbah.

Heiyatoh wa ki ATM wa da khang ki manda kieh 4:00 waje i janmiet mar ya khang ka Bank, da ong wa ini da ktah ko ya ki paidbah kiwa da pynemkaam bait da ka poisa hawa thied ya ki mar ki mata, kamtæ da emkaam wow wai ya kini ki ATM heipor 7:00 waje i step wei wow khang won heipor 9:00 waje i miet.

Neiliang u heh ka SBI da kular u wow chimkhia ya ini waroh ha ki bnai wow wan.

Related posts

Phah pynbait u Montri ka chnat puræ puthi yeiwa bakla ha ka CM Impact Guide Book

November 3, 2025

Sñiawkhia ka WJSU yei joor stang u sarok wa chna na Amlarem hadooh Pdengshakap

November 3, 2025