I kam u President ka USA, u Donald Trump wa da man ksiang u wow klam sangeh yasiat hapyrdi ka India wa Pakistan heiyatoh wa i kynaad hapyrdi kini ki ar ri ha u Naitung wa Naiynru uni u snem da chah kyntait i.
U Montri ka External Affairs ka India, u S. Jaishankar da ong u wa wym em i yaklam Phone hapyrdi u Trump wa u Prime Minister Narendra Modi nadooh ka 22 tarik u Naitung hadooh ka 17 tarik u Naiynru.
Hadien wa dat Bomb kylla ya ki ktem chipai ka Pakistan, u heh chipai ka Pakistan da Phone u wow pyntip wa ki man kiwa da pynkhreh wow sangeh yasiat wei ini toh iwa Phone da u Director General of Military Operations (DGMO) ka Pakistan, wei ya ini da ong u Jayshankar ha Parliament hawa yañia hajrong ka Operation Sindoor.
Chooh chooh da ong u wa i yatohlok ka India wa kiwi ki ri, da ye u pynman ya ka ‘The Resistance Front (TR)’ heiwa ya ki seiñ kieñ suloi wa emkti ha Pahalgam da pynbna wa man ki kam ki Global Terrorist.
Kam wow kdaw heini boon ki ri hapoh ka satri ka Quad wa BRICS da beiñ ki yeiwa jia ha Pahalgam wa kynthup ya kiwi ki ri.
Neiliang u Foreign Minister ka Germany da ong u wa ka India em ko i hok wow yada pyn ya ka hi kamjooh leh ka France wa ka European Union.
Discussion about this post