Da pynman ya ka Futsal Tournament yow yarap ya kiwa da sdang ieh yei drugs ha East Jaintia Hills

Kam chibynta wow yaleh pyrchah yei roi i drugs wei yeiwa boon leh kiwa pynemkaam wa kiwa da kyrni hei pynemkaam drugs wei yow pynchlur noh wow im deiwa chait wa khiah, da sdang ya ka Futsal Tournament wa chi tayaaw neibynta kitu kiwa da yaleh wow pyntkut ya u kynjri i drugs iwa man leh kam chibynta ka Football-Based Intervention Programme for Recovery Addicts of East Jaintia Hills District hapoh a phang pyrdi “Goal Beyond Addiction” wa da pynkhreh da ka yung krehkaam ka District Social Welfare Officer, East Jaintia Hills District chirup ka Opioid Substitution Therapy (OST) Center, Khliehriat wei da wan wai ya ka ynne ka sngi da u Deputy Commissioner, East Jaintia Hills District, u Shivansh Awasthi ha ka yalang wa da pynman ha Narwan Upper Primary School, Narwan, East Jaintia Hills District.

U DC hawa e yei klam da pyntip u wa i dawa hapoh ka District toh yow booh ya ka De-Addiction Center wei ini man i iwa da lai chakhmat kattæ.

Da ong u leh wa emkaam ya kitu kiwa da kwah wow lait nei drugs wow yohlaad ki wow pynlut yei por yong ki hei yalehke Sports wa yarap ko leh najrong wow yoh yei doh i pran wa chait wa khiah deilang i bor pyrkhat pyrdaiñ.

Kamtæ da yooluti u wa dei bor yong ki wow yaleh pyrchah yei pynemkaam drugs, i yalehke Sports daw yarap ko wow poi cha ka thong jop wot hadien wa da kut kani ka Tournament.

Related posts

Manipur: Chah thang kamwa 20 tylli ki yung ki Thangkhul Naga hadien wa mih i kynaad hapyrdi ki ar jaitbru

February 9, 2026

Pynbna u Conrad da ka Judicial Inquiry Commission heiyatoh wa i jia ha Mynsngat-Thangskoo

February 9, 2026

Neiliang won u SDO (Sadar), East Jaiñtia Hills District, u Manish Kumar da ong u wa ha uwi pa uwi uwa pynemkaam drugs, chadien da em i dooh mynsien, i dooh kyrmen, i wym biang i long i man ka manyung mansem wei kam ka imlang sahlang em i i kithlieh wow ya krehlang yow pyndooh jait ya ini waroh.

Ha kani ka sngi da saam leh ya ki juti, ki riam wa kiwi de kiwa emkaam hawa yalehke cha waroh kiwa da em ha ka luti wow yakhun pyrchah yei pynemkaam drugs.

Kani ka Futsal Tournament da man ko leh wow yarap ya ki ha kini ki por wa dang ieh yei pynemkaam drugs yow pynduna yei kwah wow pynemkaam, i kjut chitom i doh i pran, yow chngaaiñ leh i rukom pyrkhat wei yow mylliñ leh yei drugs najrong wa yoh yei chait i khiah hei bor pyrkhat deilang i doh i pran.