Wa kwah ya ka roi ka paar psiah u Ronnie cha ka NPP

U MLA ka Mylliem, u Ronnie V Lyngdoh hadien wa psiah u cha ka National People’s Party (NPP) ynne, da ong u wa da leh u yeini khlem da booh kiwon kiwon ki kyndon.

Hawa yaklam wa kiwa thoh khubor, u Ronnie da ong u wa i daw wa hakhmat wa psiah u cha ka NPP toh neidaw wa kwah u wanrah ya ka roi ka paar hapoh ka Mylliem Constituency wei i emkaam leh wow em ka synchaar khadar wa bha kamjooh i chakri paidbah.

Da pynche u leh wa i psiah u cha ka NPP ymtoh deiwa booh kyndon deiwa paan man Montri sorkar næ wow yoh ya ka Ticket ka Party ha u 2028 tangwa ini man ko du neibynta wow wanrah ya ka roi ka paar.

Deiwa yut u Ronnie, ka Congress ym em de ko uwi leh u MLA katwa ka NPP da ku cha 33 ngut hapoh ka yung dorbar wa em 60 ngut ki dkhot.

Related posts

Yap 8 ngut wei mynsoo 14 ngut hadien wa yatyrrah ka rel wa kit bru wa kawa kit mar

November 4, 2025

Phah ka Committee ka High Court wow tympra ya ki 33 tylli ki karkhana Coke hapoh ka jylla

November 4, 2025