Soi soskular ka JHADC wa ka Earthtree neibynta 40 snem yow pynyirngam ya ki thaw ki loom wa da syllen

Ka Jaiñtia Hills Autonomous District Council (JHADC) lyngba ka chnat Forest yong ka, ynne ka sngi da yasoi soskular MoU ko wa ka seiñ Earthtree hajrong ka thong u yakrehlang neibynta u pynyirngam ya ki thaw wa man loom kiwa da syllen kiwa mantre da ka JHADC wei ini i yasoi u neh ko hadooh 40 snem.

Ha ka yalang soi MoU wa pynlai da u Dr. H.H. Mohrmen, Consultant ka Earthtree ha Conference Hall ka JHADC, da emlang u F.W. Blah, Chief Forest Officer ka JHADC, u Sunny Donkupar Mawiong Director ka Earthtree uwa da ong wa kani ka Project ym mut du wow thung dieñ tangwa wot wow sumaar leh kamjooh wei wow thoohlaad  kammon u wanrah biang yei man i long ka rymaw kam ha ki por nachwa neibhah wa da yoo ha kini ki sngi ka jylla yong i da maad ko yei duna slap, i khian ki um ki wah wei kylla i man i long ka suiñbneiñ, wei ini toh neidaw wa da duna ki dieñ ki siej.

Khana haroh u wa u yakrehlang ki wa ki chnong ki thaw, ki seiñ kur wa ki bru samen neibynta u pynyirngam ya ki thaw wa man loom kiwa da syllen wei sah chrah.

U CFO ka JHADC hawa klam da pynsñiaw u i sñiawngooh ya ka Executive Committee ka JHADC kawa da pdiang sñiawbha ya kani ka Project neibhah katkam i yoo yong oo ym du wow wanrah myntoi ko ya ka Council tangwa ya ka rymaw kamjooh.

Related posts

Hadien 12 sngi lai pait ki Montri sorkar ya kiwa chongdai wa da kyrriah chapoh ka MUDA

August 5, 2025

Ym jooh em ki MLA wa psiah cha ka NPP deiwa booh kyndon lait nei kwah donhi ya ka roi ka paar: Conrad

August 5, 2025

Da yoh leh i klam na u Dr. S.N. Gosawami, Chief Operating Officer ka Earthtree.

Heiyatoh wa ini i yasoi MoU da yoh leh u yaklam wa u CEM ka JHADC u Thombor Shiwat uwa da pynsñiaw i kyrmen wa kani ka Project u man kawa jop wei wanrah myntoi.