Phah ka sorkar jylla wow pynkylla biang ya ki kari kamwa man heipor wa thied | Da e por 60 sngi

Ka sorkar Meghalaya lyngba u Commissioner ka chnat Transport da pyntip ko wa da chem wa em kiwa boon ki jait kari nadooh kiwa khian, kiwa rap heh wa kiwa kit ya ki mar kiwa khia da pynkylla (Modified) ki nadooh i dur i dar, i rukom man deiwa pynjrong yei doh (Body), deiwa pynkmai palat yeiwa da booh kiwa pynmih ya kini ki kari.

Da ong wa deiwa leh kamni da tyngkheiñ ko ya ka Section 52 ka aiñ Motor Vehicle Act, 1988 deilang ka Rules 93 ka Central Motor Vehicles Rules (CMRV), 1989 wei man ko iwa maa wow leh kamni wa ktah ko yei chkeh wei skem ka kari.

Kamtæ da phah ya waroh ki tre kari wow pynkylla biang thij kamwa man heipor wa thied yei kmai i heh, i jrong i tbian ka kari wei katam wa da mynjur da ki bor wa Register ya ka kari.

Related posts

Sñiawkhia ka KSU yeiwa pynemkaam kiwa chong chnong ka Mutong da ki siej yow taan bordiñ cha ki yung ki sem

February 1, 2026

Daw thied thaw chooh lada emkaam wow pynheh ya ka Shillong Airport: Sniawbhalang

February 1, 2026

Lada em won kiwa thied du ya ki Chassis donhi kam neibynta ki Truck næ Bus, hap ki wow lai cha jar jiar ki District Transport Officer (DTO) yow yoh bor kammon ka jait Body wa chah u chna.

Waroh kitu kiwa da pynkylla namo kiwa da leh ya ki Modification da phah wow pynkylla biang kamwa thied hapoh 60 sngi nadooh wa pynmih ya kani ka pynbna paidbah wei hadien wa kut ini i por lada chem ki wym leh yeini daw chah pynchitom katkam ka aiñ Motor Vehicle Act wei kitu kiwa pynlai ya ki kari hap ki wow bood ya ki kyndon ka Central Motor Vehicle Rules.