Chem ka KSU ya u bru wa em ka ID pulit Meghalaya wa khrong bai psiah na ki baar jylla

Ki dkhot ka KSU-Umiam Circle ynne i step hadien wa pyntip wa em uwi u bru wa kam toh u pulit ka Meghalaya uwa em ya ka ID wa thoh wa i pyrtuid u toh u Brill Rongpeit wei man u kam u pulit Constable hapoh ka 1^st Battalion, Meghalaya Police, Mawiong, Shillong.

Neiliang ka seiñ da lai ko cha ini i thaw wei hei takit ka seiñ da chem wa uni u bru da khrong poisa u na kiwa na baar jylla deiwa chim mar Rs. 1000 na ki san ngut ki bru kiwa da wan da ka kari AS-25CC-4375 kam ka bai psiah chapoh ka jylla.

Hawa kylli takit ka seiñ ya uni u bru wa ki kini ki san ngut, da yut ki wut na kani ka thaw iwa da pynphylla chooh chooh ya ka seiñ wa kammon da yoh uni u bru wow leh kamni u khrong poisa na ki bru wa psiah chapoh ka jylla.

Ha ka ID uni u bru wa da thoh toh uwa na chnong Umta Nongthymmai kawa dang haap hapoh ka Nongpoh PS.

Related posts

Chah ksih ka Autorickshaw hapyrdi ki ar tylli ki Bus hadooh wa sti khnap

August 6, 2025

U chong bichaar khaddooh ka NGT ya ka Wah Myntdu ha ka 22 tarik | Da khut ya ki paidbah wow wan e buit

August 6, 2025

Ka seiñ da dawa ko leh na ki pulit ka Meghalaya wow pynche lada uni u Brill Rongpeit toh uyi oo lada toh sakhiat u pulit næ u bru wa kam thok donhi wa oo toh u pulit.

Chooh chooh da ong wa ha kini ki por wa em kiwa boon wa yut chnong na Assam toh u chimkhia ya kam kini ki kaam hawa em ki bru kam kini kiwa yarap wow psiah ki bru chapoh Meghalaya.