Lada khawai ya rwai waroh chimiet ymtoh won u ktah ko yei hok kiwi u thiah suk: Paul

U Paul Lyngdoh, u Montri wa pait ya ka chnat Tourism ka sorkar jylla, da ong u wa i hok yong uwon uwon ymtoh wow ktah ko yei hok yong kiwi won.

Yeini da ong u Paul hawa klam ha ka yalang saam poisa cha kiwa chongdai madan kiwa da chah kyrriah na sarok Khyndailad chapoh Parking ka MUDA kawa da pynman ha ka 5 tarik heiwa da emlang leh u Symbood Montri Rangbah, u Sniawbhalang Dhar.

U Paul Lyngdoh da ong u wa boon ki jylla hapoh ka ri India da jop ki ya ka thong wow yakhun u pynkyllooid ya ki thaw wa em cha sor wei sñiawtoh u wa ki paidbah yong ka jylla wow pyrkhat ki yeini.

Da ong u wa ka luti lai kjat, ki sarok toh neibynta waroh u pynemkaam nadooh kiwa yah kari, kiwa lai kjat wa kiwa chongdai charood sarok ya kiwa ka sorkar da pynbiang ko ya ki thaw wa thymme.

Related posts

Yap 2 ngut, mynsoo 12 ngut hadien wa noh ka Truck wa kit ya ki CRPF

August 7, 2025

Chah ksih ka Autorickshaw hapyrdi ki ar tylli ki Bus hadooh wa sti khnap

August 6, 2025

U Paul da ong u wa i hok yong kiwon kiwon ymtoh wow khate ko yei hok yong kiwi deiwa e nongmuna yei hok yong oo wow khawai wow rwai waroh chimiet tangwa ymtoh u ktah won yei hok yong ki jan yung jan sem wow thiah suk ki.

Kamtæ da ong u wa sñiaw embhah wa kani ka sorkar MDA wa man ko du ka hapoh ri India kawa e ki thaw chong wei wow chna dukan wei e yarap da ka song poisa cha kiwa chongdai madan.

Da ong u wa ka sorkar ym em lehbeiñ ko ya kiwon kiwon wei kyrmen skem u wa waroh u ya krehlang ryngkat wow kyntu ya ka naam ka burom ka Shillong kham chajrong khnang wow khriñ ya kiwa lai wa wan yow ye ki u lai khlem iwon iwon i tieñ i khuslai.

Ha kani ka sngi ka sorkar da saam ko da ki Cheque wa mar Rs. 10,000 cha kiwa chongdai kiwa da kohngooh wow lai chongdai ha kani ka thaw wa kyrpang wa da chna da ka Shillong Municipal Board wa em hapoh ka Parking yong ka MUDA.