U DC ka West Jaiñtia Hills District da pyntip u wa ka sorkar Meghalaya lyngba ka National Highways and Infrastructure Development Corporation Limited (NHIDCL) daw emkaam thaw ko neibynta i chna ya u sarok 4-Lane Greenfield Alignment (High-Speed Corridor) uwa daw lai na ki chnong wa em hapoh ka District kiwa man kamni:
Ki Soo Chnong wa kynthup ya ka Larnai, Thadmusem, Sohphoh wa Nongkhroh neitæ won ka chnong Larnai, Thadmusem, Sohphoh, Kdohkule, Wahiajer, Mukhla Umlangshor, Mukhla Sohshrieh, Mukhla Nongrim, Mookaswan, Nongbah, Pasyih wa Thadmuthlong.
U DC da pyntip u wa lada em iwon iwon iwa chna thymme næ i pynchna pynkreh kiwa haap hapoh ki thaw wa daw lai uni u sarok 4-Lane, daw hap yoh bor chwa na ka yung krehkaam yong oo.
Chooh chooh da ong wa iwon iwon iwa chna khlem da yoh bor lada toh iwa chna chipor næ iwa chna pura hapoh ki bynta wow lai uni u sarok hadien wa da pynmih ya kani ka pynbna paidbah, ym kheiñ de ki kam kiwa ye u yoh bai lutsan namo ka Compensation hawa thied thaw næ hawa sdang pynkreh wei ini man ko neibynta iwa da chna yong ki bru samen wei kamjooh leh ki thaw wa pynman ya ka khayi pateiñ nadooh ki dukan wa ki yaaw ki haat.
Kani ka hukum toh kawa da krehkaam chisiendon.
Discussion about this post