Kam chibynta wow pynchlur ya ki jait dih tynre, neiliang ka sorkar Meghalaya ha ka yachem ki Montri sorkar ynne da mynjur ko wow pynkylla ya ki kyndon ka Meghalaya Excise Rules, deiwa booh kyndon yei chna kiad iwa dei pdem iwa da leh katkam i stat yongrim (Fermented Country Liquor).
I thong ini toh yow pynchlur ya kitu kiwa pynkhreh ya ki jait dih deiwa pynemkaam dei stat yongrim yow em leh ki kyndon yow man i iwa miat wei iwa chngaaiñ ya kiwa dih.
U Montri Rangbah, u Conrad K. Sangma hawa klam wa kiwa thoh khubor da ong u wa deiwa khlem em ki kyndon aiñ da chitom wow pait ya ini i jait kaam iwa ka-it ki bru wow dih wei ye leh ko wow pynku ya ka kaam uiñke suwari.
Neini chakhmat kiwa kwah wow leh yeini i kaam ye ki wow paan bor wei daw yoh myntoi bha kitu kiwa em ki thaw pynmih kini ki jait dih tynre wei yow lait noh ko u man pyrchah ya ka aiñ.
Da pynkylla leh ya ka Homemade Wine Policy yow chah wow pynemkaam da kiwa mih chapoh kyndaw (Rhizome) wa kyntup ya u Ginger wa Bulb Roots wei da chah leh wow pynemkaam da kiwa mih na ki syntu (Floral Ingredients) wa i umngap yow chna ya ki Wine wa pynmih ha ki yung ki sem yow pynraphær ya ki Wine wa da pynmih napoh Meghalaya.
Ha iwi won i liang, ka sorkar da pynkylla ko yei rukom kheiñ kyrdan namo ki Category ki Bonded Warehouse na ki le jait cha ki ar tylli donhi wei yow pynsuk leh yei rukom yaleh License.
Kini ki Category thymme toh deiwa kheiñ ya kiwa pynmih hadooh Rs. 20 klur chaneiñ wa kiwa pynmih Rs. 20 klur chapoh ha ka chi snem.
Discussion about this post