Ka Ministry of Coal ka sorkar pyrdi da pyntip ko wa deiwa kreh chitom khlem da ieh jem, da ye ko wow yarap yow sdang noh ka Scientific Coal Mining hapoh ka jylla Meghalaya.
Da ong wa ini man ko kam ka luti wow lai chakhmat yow wanrah yei rukom kreh deiwa em kyndon wei wow yada ya ka rymaw wei heijooh i por iwa ye u neh slem.
Kamtæ da ong wa da em ar tylli ki thaw tih namo ki Coal Block ha Meghalaya kiwa da sdang wow tih mooyong wei pynmih mooyong hadien wa da yoh bor.
Kawi toh kawa em ha Saryngkham-A Coal Block, East Jaiñtia Hills kawa da yow bor wow wai ha ka 10-03-25 wei da sdang wow tih ha ka 03-06-25.
Kawa ar won toh kawa em ha Pyndengshalang Coal Block, West Khasi Hills District kawa da yoh bor wow wai ha ka 02-05-25 wei da sdang tih ha ka 05-06-25.
Ka Ministry da ong ko leh wa ka toh kawa booh thong wow wanrah yei kreh deiwa man katkam ka aiñ, katkam ka juk wa katni deiwa bood leh yei rukom kreh wa biang dooh yow pyndap yeiwa emkaam ka thaaiñ North East wa ka ri hi waroh kawi.
Da yooluti leh yei ya krehlang ki sorkar jylla ye yow wanrah ya ka Scientific Coal Minig kamjooh i kit i bah ya u mooyong deiwa ryntih ha waroh kawi ka thaaiñ.
Discussion about this post