2nd Division EJHDFA: Psiah Final ka Khliehriat East wa ka Lumshnong

Ka 2^nd Division 2025 ka East Jaiñtia Hills District Football Association (EJHDFA), ynne da pyndep syndon ko ya ki yalehke Semi Final ar tylli.

Ha ka yalehke wa nyngkong, ka Lakadong Umlatdoh SSC da rem ko da 1-0 ha ka Khliehriat East YWSC da ka kool wa thap u Kobar S Swer ha ka minit wa 14.

Ha ka yalehke wa ar, ka Lumshnong YWSC da jop ko da 3-0 ya ka Diengshalalu SC da ki kool wa thap u Wandame Lamare ha ka minit wa 21, u Rida O Rupai ha ka minit wa 69 wa u Skemborlang Rupai ha ka minit wa 78.

Kamtæ ka Final u man ko hapyrdi ka Lumshnong wa Khliehriat East ha ka 18 tarik uni u bnai heipor 2:00 waje i sngi.

Related posts

T20 Cricket Tournament: Jop ka Goodwill CC wa ka Laphet CC

February 9, 2026

Khut ka Tympang Club ya ki chynrang wa kynthai wow chimbynta ha ka Open To All Cross Country Race

February 9, 2026