Independence Day Cup: Jop ka Loomiongkjam, Panaliar, Lumpyrtuh wa Khimusniang

Ka Independence Day Cup Under-17 Football Tournament 2025 ka West Jaiñtia District Sports Association da pteiñ ya ka ynne ka sngi deiwa pynman so tylli ki yalehke.

Ha ka yalehke wa nyngkong, ka Loomiongkjam da jop ko ya ka Sohmynting da 1-0 da ka kool wa thap u Daskem Chyrmang ha ka minit wa 57.

ADVERTISEMENT

Ka yalehke wa ar da pynman hapyrdi ka Panaliar wa ka Chilliangraij kawa da kut da 1-1 wei da pynman da ka Tie-Breaker heiwa ka Panaliar da jop ko da 4-3.

Ya ka Panaliar da thap kool da u Lewao Sumer ha ka minit wa 56 katwa ya ka Chilliangraij da thap da u Hopingson Khlem ha ka minit wa 36.

Related posts

Da 17-0 jop ka Khliehriat West ya ka Dhana ha ka 1st Division, jop ka Byndihati ha ka Super Division ka EJHDFA

October 22, 2026

3rd Division ASSA: Jop ka Padu Shnongpdeng khlem wa em jop ha ki ar tylli kiwi ki yalehke

October 22, 2026

Ha ka yalehke wa le, ka Lumpyrtuh da jop ko ya ka Mookyrdup da 4-0 heiwa da yoh Hat-Trick u Serene Dkhar uwa da thap ha ka minit wa 9, 44 wa 56 wa u Wansukmi Phawa ha ka minit wa 38.

Ka yalehke wa soo hapyrdi ka Khimusniang wa ka Mookymphad da kut ko da 1-1 wei hei yachut Tie-Breaker da jop ka Khimusniang da 4-3.

Ya ka Khimusniang da thap da u R. Lyngdoh ha ka minit wa 21 katwa ya ka Mookymphad da thap da u P. Dkhar ha ka minit wa 23.