Chah daiñ kuna ka IndiGo Rs.1.75 lak wa e thaw chong ko da kawa jahkhlia

Ka Delhi Consumer Forum da rai pynrem ko ya ka IndiGo Airline neidaw wa e thaw chong (Seat) ko da kawa tngit, kawa jakhlia cha kawi ka bru heiwa da phah ya ka IndiGo wow su ko Rs 1.75 lak yeiwa chem chitom kani ka bru heipor wa lai luti ko.

Ya kani ka ujor da booh da ka bru wa tip kam ka Pinki kawa na Delhi kawa da thied Ticket neibynta yong ka deilang u kurim wa ar ngut ki khon ha ka 27-12-2024 yow lai cha Baku na New Delhi ha ka 02-01-25 heiwa da ong ko wa da e ya ka da ka Seat ka wym yahaap wow chong bru.

Ka Pinki da ong ko leh wa ka IndiGo Airline ym bna ko yeiwa ujor ko ha ki wei ym bien ki wow chimkhia kamtæ da phah ko da ka Legal Notice cha ka IndiGo ha ka 13-01-25 tangwa ym em yoh ko yei jubab wa hun wei hadien ini da lai ko cha ka Delhi Consumer Forum.

Ka IndiGo da jubab ki wa da e Seat ya ka Pinki da kawi tawon heiwa da bien ko wow chong ha kani heipor wa lai luti ko cha Delhi.

Tangwa ka New Delhi District Consumer Disputes Redressal Commission da rai pynrem ki ya ka IndiGo deiwa e daw wa ini wym ye u e chakri deiwa biang toh iwa bakla ka IndiGo hadooh wa da chah ktah i long i man ka bru.

Related posts

Lada ym paitbniah yei psiah kiwa na Bangladesh daw booh ko hei maa ya ka Meghalaya: Lahkmen

August 12, 2025

Ya tyrrah ka Bolero Pick-Up wa kawi ka Truck ha East Jaiñtia Hills

August 12, 2025

Da phah leh ya ka IndiGo wow su ko sa Rs. 25,0000 kam ka bai yaleh ya kani ka ujor.

Da yoh daw leh ya ka IndiGo neidaw wym ye ko wow pynyoo ya ka Situation Data Display (SDD) heiwa ym em thoh hapoh kani yeiwa em kam kani ka Seat wa tngit iwa pynyoo wa ka IndiGo ym em bood ko ya ki kyndon hawa em kiwa ujor.