Ka Seiñraij Muthlong dap ko dei sñiawngooh wa khroo wa da ye biang u pyndep ya ka lehniam Behdieñkhlam ha uni u 2025 lyngba ki Langdoh, ki Wasan, ki Waheh Wasian yong ka Raij Muthlong.
Ka Seiñraij Muthlong da e khublei ko khamtam ya u MLA ka thaaiñ, u Comingone Ymbon uwa man leh u Montri ka sorkar Meghalaya uwa da ye u embyntalang neipor cheipor kamjooh leh ya u Kyrmen Shylla, u MLA ka Khliehriat kamjooh uwa man kam u Montri ka sorkar jylla hanla wym yoh u emlang tangwa da phah salan u da u MLA warim ka Khliehriat, u Justine Dkhar, ya ki Dolloi ka Elaka Shangpung, u Chanki Langbang, u Dolloi ka Elaka Jowai, u Puramon Kynjing kamjooh ya ki sahep ki chnat sorkar waphær waphær.
Ka Seiñraij Muthlong da e khublei ko leh ya ka Police Department, PHE Department, Health Department, MeECL kamjooh ya ki VDP ka Thadmuthlong A, B, C wa ki Volunteer yong ka chnong wa ya ka Balang Presbyterian.
Ka Seiñraij Muthlong da e khublei ko leh ya ki chnat Seiñraij wa haap hapoh ka Raij-Muthlong, ka Seiñraij Rashai, Mukhap, Pammanik, Thadsning, Moobando wa Latymphu.
Kamjooh ya ki Unit Club Lumpyrdi, Mooknor, Madanthad, Liarlulong, Mushut, Phramer, Muthlongrim, Lum Surok, Lum Chyrmit, Lumkoishyrwang, Phangram, Suchiang Pohsaiong.
E khublei ko leh ya ki Sengkhihlang wa ka Seiñ Kyntu 12 Dolloi wa waroh ki Seiñraij waphær waphær wa wan sakhilang chirrup ha kani ka Behdieñkhlam.
Ka Seiñraij Muthlong da e khublei ko ya waroh ki paidbah wa chimbyntalang ha ka Behdieñkhlam 2025 deiwa ong wa e wa u Blai u kyrkhu kyrdoh, u e i chait i nang, i man khih man khan ya i yoh i u nang ye u pyndep ya ki kaam niam kaam rukom yong u Ynñiawtrep Ynñiaw Wasa.
Ka khubor e khublei na u General Secretary ka Seiñraij Muthlong, u Wanteimi Ymbon.
Discussion about this post