Sdang ki BSF Meghalaya ya ka Operation Alert

Ki Border Security Force ka Meghalaya da pyntip ki wa da sdang ki ya ka “Operation Alert” ha khappood ka India-Bangladesh kawa nadooh ka 10 hadooh ka 16 tarik uni u bnai yow pynskem ya u pood kam chibynta i pynkhreh yei lehkmen Independence Day.

Ya kani ka Operation da leh deiwa ya krehlang wa ki pulit ka Meghalaya wa kiwi de ki bor ka aiñ.

Ka BSF da pyntip ko leh wa da phah ko chiboon ki chipai chakhmat yow tia chajan bha u pood deiwa em ki chipai wa heh kyrdan na ka FTR HQ wa ki Sector HQ ki wow pait yeini waroh.

Ha kani ka Operation da pyman yei lai leh Patrolling khlem da sangeh, i kynreh ya ki kari wei da pynemkaam da ki lieñ yow pait ya ki um ki wah.

Related posts

Chah kem 9 ngut ki Rohingya na Assam kiwa da sah tooh la 13 snem ha India

August 13, 2025

Chah jied soo ngut kiwa na Meghalaya wa kynthup ya uwa na East Jaiñtia wow lai sakhi ya ka lehkmen Indendence Day ha Delhi

August 13, 2025

Ha kini ki por daw paitbniah leh ya kiwa khayi masi, kiwa khayi mar wa kiwa psiah pyrchah aiñ deiwa lai na khyndaw wa na ki um deiwa booh ya ki Ground wa Water Patrols kiwa em leh ya ki Night Vision Equipment yow chynna ki dei miet.

U IG FTR HQ BSF Shillong, u O P Upadhyay uwa em kattæ cha khappood da ong u wa kani ka “Operation Alert” pynyoo ko yei kreh chitom ki BSF wow yada ya u pood ka ri ha kini ki por lehkmen yow lait u em kiwa pynthut wei yeini u pteiñ hadooh ka 16 tarik.