Neidaw ka Rs. 300 noh u khynroo ha wah Umtrew

Ha iwi i ya kajia hapyrdi kiwa dih drugs iwa da jia ha Byrnihat hadien wa dai ya ka Mobile Phone wa da tooh ki wei da bhah ya ka poisa para ki, tangwa neidaw wa yoh tam uwi Rs. 300 da mih i awri para ki wei da sdang ki wow kdong ya oo wei neidaw wa tieñ da noh u najrong ka yingkieñ cha ka wah Umtrew wa jooh tip kam ka wah Byrnihat.

Ya uni u khynroo da tip kam u Wanphrangsngi Syiemlieh (27 snem) uwa na ka chnong Nongkyndang Saiden.

Kiwa ha-yung uni u khynroo da ong ki wa ini da jia i ynnin i janmiet heipor 5:00 waje heiwa kiwa dih drugs lang chirup hadien wa dep dai ya ka Mobile Phone wa da tooh ki tangwa du neidaw wym ye u wow su ya ka poisa wa Rs. 300 da kynthih u cha ka wah wei da ngam u cha ka um heiwa da pyntip cha ki pulit ka Byrnihat Outpost.

Neiliang ki pulit ka Byrnihat Outpost chirup ka SRT wa ka Fire Emergency Service na Nongpoh wa na Shillong da pyrchang ki wow thooh ya uni u khynroo tangwa khlem pu chem oo.

Related posts

Chah kem 9 ngut ki Rohingya na Assam kiwa da sah tooh la 13 snem ha India

August 13, 2025

Chah jied soo ngut kiwa na Meghalaya wa kynthup ya uwa na East Jaiñtia wow lai sakhi ya ka lehkmen Independence Day ha Delhi

August 13, 2025