Ka Meghalaya Bharat Scouts & Guides West Jaiñtia Hills District kam chibynta yong ka lehkmen Independence Day 2025 da pynman ko da ka Carrom Board Competition hapyrdi ki khynnah Scouts wa Guides.
Ya kani ka yakob siat Carrom da wan wow wai ha ka 9 tarik da u Ohiwot Laloo, Jt. State Secretary, MBS&G Shillong hei emlang u Adiam U Bthuh, District Secretary, MBS&G wa u J. Pala, District Training Counsellor, MBS&G.
Kani ka yakob dapoi ko cha wakut ha ka 14 tarik deiwa wan sakhilang u A. Andrew Shullai, MDC kam u kongsan heiwa ha ka yalang wa tbian hei pynlai ka Grecorisa Sana, District Organiser (Guides), WJH, da yoh i klam pdiang burom na u Carefully Gassah, District Organiser Scout, WJH, i sneiñ i kroo ya ki khynnah Scouts-Guides na ka C.D. Laloo, District Commissioner (G) MBS&G-WJH wa na u Adiam U Bthuh, District Secretary, MBS&G.
U Andrew Shullai hei klam da ong u wa i embynta ha ka Scouts-Guides Movement man i i kyrkhu wa khroo heiwa ki khynnah yoh ki chiboon i tip wei chemphang ha kiwa boon ki rukom, kamtæ yooluti u wa i pynman ya kani ka yakob leh hikai ko kammon u man kitæ ki bru kiwa em i mynsien yaleh wei yaichah ha ki yakob waphær.
Yei naam Champion yong kani ka yakob da rah da u Wansalan Dhar katwa ki Runner-up won toh ka Deimaya Shylla wa u Jiedkyrpang Dkhar.
Discussion about this post