Ka Seva Bharati kawi na ka seiñ ka ri India kawa krehkaam ha ka yurim wa ong, “I chakri ya ka ri toh iwa man iwa khlieh tam” wa kynthup nadooh kiwa duna wa tymbuiñ ha i chait i khiah, i puræ puthi, i e yarap heipor wa hap wa oor ka rymaw, ynne ka sngi da wan leh burom ko ya ka sngi laitlooid ka ri India ha thaw pynyieñ kari wa em ha wah ka Jowai Police Station, wei la kamwa ynru snem da pynhær ko ya ka lama ka ri ha kani ka jooh ka thaw.
Ya ka lama ka ri India ha kani ka thaw ynne ka sngi da pynhær da u Khroo L Pariat uwi uwa jooh kit jooh bah neibynta i bha i miat ka ri wa ka jaitbru.
U Khroo L Pariat hawa klam, da kyntu u ya waroh ki tre ri tre muluk wow chim i kitkhlieh, i kaamram, u ya sñiawthooh yumutlang hanla em i yaphær hei pyrkhat, i ngait, i rong i rup tangwa neibynta i chngaaiñ wei yow biang u dap ki manbru ka ri wa ka jaitbru emkaam u ya chimbyntalang chirup chirup khamtam neini chakhmat.
Ong haroh u wa emkaam u kylli ha samen samen, yi u leh O neibynta ka ri wa ka jaitbru, wym u leh ka jaitbru wa ka ri neibynta yong i samen, khnang wa manda dap ka ri India yong i 100 snem, kam ki tre ri tre muluk yow nang khlan i man kynrad i wei u sñiawkhaiñ i manbru longbru chirup wa ka pateiñ wa daw wan.
Ya ka yalang da pynlai da u Wansalan Dkhar wei da yoh i ngooh Blai na u Deimon Bhoi katwa u Damut Dkhar da yahkhmat u wow rwai maya ri, neitæ ka P. Dkhar, President Seva Bharti Jaiñtia da e ko ki kyntien khublei ya waroh.
Discussion about this post