Poi ka lympung yalehke Badminton ha Shangpung cha wakut

Ka 5th Shangpung Badminton Association dapoi ko cha wakut ha ka 16 tarik kawa sdang nadooh ka 11 tarik uni u bnai heiwa kiwa da wan chimbynta ha kiwa boon ki kyrdan yalehke toh kiwa napoh ka Laskein Block.

Ki Category heiyatoh wa kani ka lympung da em ki 12 tylli kawa sdang nadooh ki Under 13 Single wa Double, Under 17 Single wa Doubles, Open Single wa Doubles, 35+ Single wa Double, ka 45+ Single wa Doubles ka Mix wa ka Women’s Doubles.

Ha ka Under 13 Single, u Chibor Langstang da jop u ya u Lakhon Langstang, ha ka Doubles, u Chibor Langstang wa u Lakhon Langstang da jop ki ya u Ram Langstang wa u Iaraplang Lamare, ha Under 17 Single, u Dathrang Langstang da jop u ya u Wailadmiki S. Passah, ha ka Doubles, u Dathrang Langstang wa u Skhembok Iakai da jop ki ya u Wailadmiki S. Passah wa u Deimonmi S. Manner, ha ka Open Category Single, u Dapmon Papang da jop u ya u Banshan Lamare, katwa ha ka Doubles, u Dapmon Papang wa u Banshan Lamare da jop ki ya u Santification Papang wa u Danbiang Law, ha ka 35+, u Nidayoo Papang da jop u ya u Shimti Dkhar, ha ka Doubles, u Dapynphermi Shulet wa u R.D. Sungoh da jop ki ya u Nidayoo Papang wa u Hamewan I Law, ha ka 45+ Single, u Rithink Langstang da jop u ya u Showmewellborn Kyndait, ha ka Doubles, u R.D. Sungoh wa u Embhahlang Wett da jop ki ya u Showmewellborn Kyndait wa u Treiminot Suchiang, ha ka Mixed Doubles, u Banshanbor wa ka Deovalente Langstang da jop ki ya u Dapmon Papang wa ka Cmilahazell Langstang, ha ka Women’s Doubles, ka Angela Sutnga wa ka Deovalente Lanstang da jop ki ya ka Ibadahunshisha Langstang wa ka Camilahazell Langstang.

U L.D Suiam, u sahep yong ka chnat MePDCL uwa man kam u kongsan ha kani ka sngi da wan pynhaap pyrda u ya kani ka lympung heiwa da emlang kiwa kitkaam ka Shangpung Badminton Association.

Related posts

Da ka song poisa wa Rs. 5 lak deilang i ksiar wa chiteiñ tola ha ka Gold Cup ka Wapungskur SSWO

August 18, 2025

Chah jied kawa na East Jaiñtia wa kawa na Shillong yow mihkhmat ya ka ri ha ka SAAF U-17 Women’s Championship 2025

August 17, 2025

Hei klam yong u kongsan da e khublei u ya kiwa yalehke kiwa wan chimbynta ha kani ka lympung. Da e mynsien u leh ya kiwa rem wa ymtoh u dooh mynsien ki tangwa toh u pynman chooh chooh ko ya ki wow nang yaleh chitom chooh chooh ki.

Da e khublei u leh ya ka Association kawa yaleh chitom wow pynman kam kini ki yalehke khnang wow yarap ya kiwa yalehke u pynyoo ki yei sap i yong ki wow yoh u chimbynta ym du ha ki District næ State Level tangwa wot chadooh ka National Level.