Khyrngiat ka High Court wa yoh thaw ka Cement Plant palat 1,800 Acre ha Umrangso

Ka Gauhati High Court da khyrngiat ko wow tip wa da e kamwa 3,000 Bigha (kamwa 1,800 Acre i thaw) cha kawi ka karkhana pynmih khyndaw-bilat wei ini i dapoi ko cha ka yung bichaar da ka mukotduma ‘Sonesh Hojai and 21 Ors v The State of Assam and 6 Ors’.

U Justice Sanjay Kumar Medhi da ong u wa kani ka karkhana ka Mahabal Cements toh kawa rap embor bha heiwa da e ya i thaw wa heh kat hadooh chiteiñ ka District ya ka.

U Justice Medhi da kylli u iyi ini wei lada toh i kaamke heiwa da e hadooh 3,000 Bigha cha ka karkhana wei lada tip ki katwon heh i 3,000 Bigha itæ man chiteiñ ka District.

Ya kani ka muktduma da chong bichaar ha ka 12 tarik uni u bnai heiwa u Judge da kdaw u wa ka Dima Hasao District haap ko hapoh ka 6th Schedule ka Constitution heiwa emkaam u kheiñkor ya ki jaitbru ri-loom.

Ini i thaw em i ha Umrangso ka Dima Hasao, iwa man i thaw wa boon ki mrad, ki dieñ wa ki umchit kamjooh i wan dem ki sim.

Da phah leh ya ka North Cachar Hills Autonomous Council (NCHAC) wow pynbiang ya ki kot ki sla wa ki aiñ wa da booh; chwa wow e ya ini i thaw cha ka Mahabal Cements wei daw chong bichaar biang ya ka ha ka 1 tarik u Naikhynde uni u snem.

Related posts

Chah kem 11 ngut kiwa kreh Hospital wa dawa poisa na kiwa ha-yung ki khonboo wa dang kha 

August 19, 2025

Yachem u Modi wa u Astronaut wa nyngkong ka ri wa lai cha ISS

August 19, 2025

Ya kani ka mukotduma da ujor da ki tre chnong wa pyrchah yei chah beh ki wei da paan yarap ki wow yoh i yada na ka Mahabal Cements.

Ka Muktiar ka karkhana, ka G Goswami da ong u wa da e wai ya i thaw neibynta 30 snem lyngba ka Tender wei ym kwah ka karkhana u chim ya iwon iwon i thaw tangwa da yoh ki ya ka Tender wow tih moo (Mining lease).